50 km ferð - Vesturbær - Mosó - Úlfarfell - 2 september 2012

Frábært hjólaveður var á sunnudaginn og tilvalið að fara í æfingatúr áður en lagt verður í Haustlitaferðina með Fjallahjólaklúbbnum.  Ég þurfti endilega að vita hvort að ég hefði 50 km hjólatúr af á skikkanlegum tíma.

Leið lá frá Reynimel um Ægissíðu, kringum Kársnesið, uppá Digranes hæðina aka Víghól, yfir í Elliðarárdalinn, yfir í Grafarvog í gegnum Bryggjuhverfið (undir Gullinbrú) og upp í Mosó.  Síðan lá leið upp Hafravatnsveg, framhjá Úlfarsfelli, yfir í Grafarholtið, framhjá Húsasmiðjunni, Vínlandsleið niður í Grafarvoginn og aftur undir Gullinbrú. 

Ég þurfti að kaupa í matinn svo að ég fór í Holtagarða og áfram niður Sæbrautina framhjá Hörpunni en þegar þangað var komið voru hnén aðeins farin að kvarta svo að ég sleppti því að fara út á Seltjarnarnes.

Hjólið var nokkuð vel lestað enda stóra myndavélin með í för og nesti ásamt forláta kaffibrúsa úr stáli.

Hjóla-Geir er klár í Haustlitaferðina. 

Sjá myndir úr ferðinni:

Fyrsta stopp var smá myndataka á Ægissíðunni.

Fyrsta kaffipásan afstaðin í Kópavogi.

CUBE fákurinn hefur staðið sig frábærlega.

Víghóll - efsti hluti Kópavogsbæjar á Digraneshæð.

CUBE fákurinn á Víghól.

Grafarvogur - Gufunes.

Myndirnar eru teknar á sama stað með mismunandi sjónarhorni.

Smá listrænar pælingar og hjóla jakkinn lagður til þerris.

Enn frekari listærnar pælingar.

 Klassískur staður til að stoppa og taka mynd (svona til sönnunar - I was there....) 

  Síðasta kaffipásan, nestið klárað og haldið heim á leið.